Njótum samverunnar!

Nú er vetrarfrí framundan í mörgum grunnskólum landsins og fjölskyldur að njóta samverustundanna. Það er ýmislegt hægt að gera sér til dundurs í fríinu, bæði inni og úti, en við tókum saman nokkrar hugmyndir að því sem hægt er að gera með börnunum innandyra.

Leira – hægt er að skapa mörg listaverkin með leir. Hjá okkur finnur þú leir af öllum gerðum, leirsett, leiráhöld og leirmót sem auðveldar ungum listamönnum að móta eitthvað skemmtilegt úr leirnum.

Perla – úr perlum verða oft til ótrúlega falleg listaverk! Það er t.d. hægt að perla glasamottur, myndir sem hægt er að líma segul aftan á og setja svo á ísskápinn og margt fleira. Hjá okkur finnur þú alls konar sett með leiðbeiningum og einnig perlur og perluspjöld í stöku ef þig langar að leyfa hugmyndafluginu að ráða ferðinni.

Lita – hvort sem þú litar í litabók eða með frjálsri aðferð á eitthvað annað eigum við réttu vörurnar fyrir þig. Við mælum sérstaklega með Posca-pennunum sem hægt er að nota til að skrifa og mála á t.d. stuttermaboli, innkaupapoka úr taui og fleira og gefa í gjafir.

Púsla – það þjálfar rökhugsun og færni til að leysa vandamál, minnið og einbeitingu. Að púsla er líka frábær leið til að slaka á og gleyma amstri hversdagsins um stund.

Spila – að spila saman er góð skemmtun og hægt er að gleyma sér yfir skemmtilegu spili tímunum saman. Við bjóðum upp á mikið úrval af alls konar spilum, fyrir alla aldurshópa og fyrir tvo leikmenn eða fleiri.

Föndra – hugmyndir að föndri eru endalausar en ef þér finnst erfitt að láta þér detta eitthvað í hug eigum við úrval af föndursettum. Við bjóðum einnig upp á mikið af stökum föndurvörum ef þú ert með hugmynd að einhverju föndri sem þig langar að láta verða að veruleika.