Skrifstofuhúsgögn - A4 Húsgögn

Stílhrein og falleg húsgögn

A4 rekur sögu sína meira en fjóra áratugi aftur í tímann og slagorð okkar, fyrir skapandi líf, endurspeglar áherslu okkar á að bjóða lausnir til að ýta undir og styðja skapandi hugsun og starfsemi á vinnustaðnum og heima.

Við erum stolt af því að geta boðið upp á falleg og vönduð skrifstofuhúsgögn frá nokkrum af fremstu framleiðendum heims og leggjum áherslu á að bjóða viðskiptavinum okkar gæði, þægindi og glæsilega hönnun sem uppfyllir öll skilyrði nútímastarfsumhverfis.

Við bjóðum húsgögn sem aðlaga sig að nútímavinnustöðum, þar sem sveigjanleiki, samskipti og sköpun skipta miklu máli, og leggjum metnað í vandaðar gæðavörur þar sem öll áhersla er á að hugað sé að umhverfisþáttum og samfélagslegri ábyrgð.

Fréttir

Skólahúsgögn

Bæklingur

Við hjá A4 vitum hve nauðsynlegt það er að öllum líði vel yfir vinnu- og skóladaginn svo andrúmsloftið sé gott og skapandi. Hjá okkur starfar hópur fólks sem hefur mikla þekkingu á þessu sviði og er tilbúið að aðstoða þig við valið, teikna upp og finna lausnir sem henta þínum þörfum til að gera skólann að fullkomnum samastað fyrir nemendur og starfsfólk.

Lesa meira

Lintex - Nútímaleg hönnun

Húsgögn

LINTEX er fjölskyldufyrirtæki sem stofnað var árið 1983 í Nybro í Svíþjóð, svæði sem þekkt er fyrir hugvit og handverk úr gleri. Fyrirtækið framleiðir töflur fyrir skrifstofur, skóla, vinnustaði og fundarstaði. Það sem greinir LINTEX frá flestum framleiðendum á þessu sviði er hins vegar nálgun þeirra að hönnun og virkni. Þar sækir LINTEX í kjarna skandinavískrar hönnunar; góða virkni og ekki síður að virknin sé falleg. Falleg hönnun er ekki það sem flestir tengja við þegar hugsað er um töflur. LINTEX hefur breytt þessu, með það að markmiði að koma á óvart og ögra ímyndinni um hvernig tafla á að líta út.

Lesa meira

FourReal Flex

A4 húsgögn

FourReal® Flex er ný og framsækin viðbót við borðalínu Four Design, þróuð með þarfir kraftmikilla vinnurýma í huga. Borðið er hannað með sveigjanleika að leiðarljósi og hentar jafnt fyrir einstaklingsvinnu, teymisfundi og samvinnuverkefni. Fjölhæfni FourReal® Flex gerir það auðvelt að aðlaga mismunandi setulausnum, allt frá mjúkum setuhúsgögnum til vinnustóla og bekkja. Hægt er að sérsníða borðið með ýmsum aukahlutum, þar á meðal trébrettum, hljóðdempandi skjám, rafmagnskubbum og kaplanetum. Lausnin sameinar þannig virkni og fagurfræðilegt yfirbragð í nútímalegu vinnuumhverfi.

Lesa meira

Við aðstoðum þig með ánægju

Í góðri samvinnu við þig, þar sem þarfir þíns fyrirtækis eru í forgrunni, tryggja ráðgjafar okkar að við finnum þær lausnir sem henta best þegar kemur að uppsetningu skrifstofurýmisins.

Í sýningarsal okkar í húsgagnadeild, Skeifunni 17, er að finna fjölbreytt sýnishorn af skrifstofuhúsgögnum frá nokkrum af fremstu framleiðendum heims.
Opnunartími sýningarsalarins er milli klukkan 9:00 og 17:00 alla virka daga og við tökum vel á móti þér. Einnig er hægt að hafa samband við okkur í síma 580-0085 eða með því að senda tölvupóst á netfangið husgogn@a4.is.